السبت، 13 فبراير 2016

اصل انت مش فاهم حاجه ..! !

جاءني غاضباً يكاد وجهه ان تخرج منه الدماء من شدة الغضب فكان سؤالي الطبيعي  : ماذا حدث ؟  ما بك ؟ 
اجاب بشكل سريع وغاضب : انا هسيب الشغل كده كفايه قوي .. اهانه وقرف 
ايه اللي حصل ؟ 
هو : شتمني قدام الناس 
 فما كان مني الا ان اهديء من روعه : اوعى تخللي حد يهين كرامتك .. متوطيش نفسك عشان القرش .. اياك تفتكر ان اللي مشغلك عنده هو اللي بيرزقك .. الرزاق هو الله وانت وهو رزقكوا من الله .. رزقك كتبهولك رب العباد من يوم ما خلقك حتى ان يتوفاك اليه وطبعا انت مش محتاج مني نصايح انت عارف كويس ان ربنا امرنا بالسعي للعمل وهو سبحانه كفل لنا الرزق 
وظللت احكي له قصصا عن الرزق لاشخاص ظنوا ان كل الطرق قد سدت امامهم ولكن الله دايما يجعل بعد كل ضيق فرجا وهو في حالة انصات تام واريحيه للكلام وقمنا وصللينا العصر وشربنا الشاي  واخذ يحكي لي بعد ان شعر بالهدوء  كيف اهانه صاحب العمل ووبخه لا لشيء..  فقط للاستعراض امام فتاة جميله كانت تقف في محل العمل لقضاء حاجه لها
كلامه معي اعطاني احساس انه اخذ قراره بترك العمل مع هذا الشخص السيكوباتي والبحث عن عمل اخر لا يكون فيه علاقه بين العامل ورئيسه سوى مصلحة العمل فقط
واثناء الحديث رن جرس تليفونه  نظر في الموبايل وفجأة نط واقفا  وقال : ايوه ياريس.. لا يا باشا.. انا تحت امرك ..دلوقتي حاضر انت تؤمر. 
مين ده  
ده رئيسي  في العمل 
بتاع النهارده
ايوه 
عايز ايه 
عايزني اروحله مشوار حالا
{ قالها وهو يرتدي ملابسه} 
انت مش كنت زعلان واستقريت...... 
لم يترك لي مساحة لتكملة الكلام وسحب سلسلة مفاتيحه من علي طاولة التليفزيون وهو يخرج من الباب قائلا 

اصل انت مش فاهم حاجه لما ارجع هبقي اشرحلك

ليست هناك تعليقات:

إرسال تعليق